விண்வெளியில் ஒரு 'வேரா' (Space Computing & The Future)

மழை பெய்வதற்கான எந்த அறிகுறியும் இல்லை. ஆனால் நட் தன் ஜன்னல்களை இறுக மூடிக்கொண்டிருந்தான்.

"நட், வெளிய வெயில் அடிக்குது. ஏன் எல்லாத்தையும் சாத்தற?" ராஜா குழப்பத்துடன் கேட்டான்.

நட் பதில் சொல்லவில்லை. அவன் தன் டேப்லெட்டில் ஒரு வினோதமான மேப்பைக் காட்டினான். அது சாதாரண மேப் இல்லை. மேகங்கள், காற்றின் திசை, மற்றும் கடலின் வெப்பம் என அனைத்தும் அணு அணுவாகத் தெரிந்தது.

"இன்னும் பத்து நிமிஷத்துல இந்த ஏரியாவுல ஒரு மைக்ரோ-பர்ஸ்ட் (Micro-burst) வரப்போகுது ராஜா. பயங்கரமான காத்து வீசப்போகுது. ஜன்னலை சாத்து!"

ராஜா சிரித்தான். "வானிலை அறிக்கையில இன்னைக்கு மழை இல்லைன்னு சொன்னாங்களே?"

"அவங்க பழைய சிஸ்டம் வச்சு சொல்றாங்க. நான் பார்க்குறது NVIDIA Earth-2. இது பூமியோட 'டிஜிட்டல் ட்வின்' (Digital Twin). பூமியில இப்போ என்ன நடக்குதுன்னு ஒரு மில்லி செகண்ட் விடாம இது காட்டும். ஆனா இந்த டேட்டா எங்க இருந்து வருது தெரியுமா?"

நட் லேப்டாப்பை மேலே காட்டினான். "மேல இருக்குற Space-1 Vera Rubin சாட்டிலைட்ல இருந்து வருது. முன்னாடி சாட்டிலைட் எடுத்த போட்டோவை பூமிக்கு அனுப்பி, இங்க பிராசஸ் பண்ணுவாங்க. அதுக்குள்ள புயலே வந்துட்டு போயிடும். ஆனா இப்போ, அந்த சாட்டிலைட் குள்ளயே ஒரு 'வேரா ரூபின்' சிப் இருக்கு. அது அங்கயே டேட்டாவை அனலைஸ் பண்ணி, 'புயல் வருது'ன்னு ஒரு சின்ன மெசேஜை மட்டும் எனக்கு அனுப்புது. இதுக்கு பேருதான் Orbital Inference."

சரியாக பத்து நிமிடத்தில், ஜன்னல்கள் அதிரும் அளவுக்கு பலத்த காற்று வீசியது. ராஜா திகைத்துப்போனான்.

"நட், அப்போ இனிமே நாம எப்போ குடை எடுத்துட்டு போகணும்னு கூட இந்த ஏஐ தான் சொல்லுமா?"

"குடை மட்டும் இல்ல ராஜா. காட்டுத்தீ எங்க பரவும், சுனாமி எங்க வரும்னு எல்லாத்தையும் இது முன்கூட்டியே சொல்லும். இப்போ புரியுதா? ஜிடிசி 2026 வெறும் சிப்ஸ் பத்தி மட்டும் இல்ல... இது பூமியைக் காப்பாத்துற ஒரு டெக்னாலஜி."

ராஜா தன் போனைப் பார்த்தான். அவன் 'ஏஜென்ட் ராஜா' ஒரு நோட்டிபிகேஷன் அனுப்பியது: "புயல் காற்று வீசுகிறது. காபி கப்பை பால்கனியில் இருந்து உள்ளே எடுத்து வையுங்கள்."

"பார்த்தியா நட்? என் ஏஜென்ட் இப்பவே என் பாதுகாப்புக்கு வந்துடுச்சு!"

---